Workplace ကောင်းမွန်သင့်လျော်စွာ သုံးစွဲမှု မူဝါဒ


Workplace from Meta က ကြိုဆိုပါ၏။
ဤအရာသည် Facebook ၏ သုံးစွဲသူဗားရှင်းနှင့် ခြားနားသော ဝန်ဆောင်မှုတစ်ခုဖြစ်ပြီး အဖွဲ့အစည်းများ အသုံးပြုရန်အတွက်သာ ရည်ရွယ်သည်ကို သတိပြုပါ။ ဆိုလိုသည်မှာ၊ ကျွန်ုပ်တို့၏ ဝန်ဆောင်မှုကို သင့်အလုပ်ရှင် သို့မဟုတ် အခြားအဖွဲ့အစည်း (သင့် "အဖွဲ့အစည်း") က သင့်အတွက် ပြုလုပ်ပေးသော လုပ်ငန်းခွင်တွင် သို့မဟုတ် ထုတ်ပေးသော ဖုန်း/ကွန်ပျူတာ သို့မဟုတ် အကောင့်တွင် အသုံးပြုပါက၊ အဆိုပါ အဖွဲ့အစည်းတွင် Workplace ကို သင်အသုံးပြုခြင်းနှင့် စပ်လျဉ်း၍ ၎င်းတို့၏ ကိုယ်ပိုင်မူဝါဒများ ရှိနေနိုင်ပြီး ဝန်ဆောင်မှုကို သင်အသုံးပြုရာတွင် အဆိုပါ မူဝါဒများကို လိုက်နာရပါမည်။ သင့်အဖွဲ့အစည်း၏ မူဝါဒများနှင့် စပ်လျဉ်း၍ သင့်တွင် မေးမြန်းစရာများ ရှိပါက သင်၏ အဖွဲ့အစည်းကို ဆက်သွယ်ပါ။ Workplace ၏ ကိုယ်ရေးလုံခြုံမှုဆိုင်ရာ ဆောင်ရွက်ချက်များနှင့် ပတ်သက်၍ နောက်ထပ် အချက်အလက်များ သိရှိလိုပါက Workplace ကိုယ်ရေးလုံခြုံမှုဆိုင်ရာ မူဝါဒ တွင် ကြည့်ပါ။ Workplace API များကို ဝင်ရောက်အသုံးပြုရာတွင် Workplace ပလက်ဖောင်း စည်းမျဉ်းများ ကို လိုက်နာရပါမည်။

Workplace ကို တာဝန်သိသိ အသုံးပြုခြင်း
သင့်အဖွဲ့အစည်း၏ မူဝါဒများအပြင် ကျွန်ုပ်တို့၏ ဝန်ဆောင်မှုများကို တာဝန်သိသိ အသုံးပြုကြောင်း သေချာစေရန် ကူညီပေးနိုင်သည့် အောက်ပါ စည်းမျဉ်းများကိုလည်း ကျွန်ုပ်တို့က ဖန်တီးရေးဆွဲထားပါသည်။
Workplace ကို အသုံးပြုနေချိန်တွင် သင်သည်-
  • သင်မည်သူမည်ဝါဖြစ်ကြောင်း အထောက်အထားကို ကွယ်ဝှက်မထားရပါ၊ အခြားတစ်ဦးဦးအဖြစ် အယောင်မဆောင်ရပါ သို့မဟုတ် လူပုဂ္ဂိုလ်တစ်ဦးဦး သို့မဟုတ် အဖွဲ့အစည်းတစ်ခုခုနှင့် သင်၏ နှီးနွှယ်မှုကို မှားယွင်းစွာ ကိုယ်စားမပြုရပါ။
  • ကလေးများကို အသုံးချအမြတ်ထုတ်သော၊ ထိခိုက်နစ်နာစေသော သို့မဟုတ် ထိခိုက်နစ်နာစေရန် ခြိမ်းခြောက်သော လုပ်ဆောင်ချက်တွင် မပါဝင်ရပါ။
  • တရားမဝင်သော၊ ခွဲခြားဆက်ဆံသော၊ ထိခိုက်နစ်နာစေသော၊ အယောင်ဆောင်သော၊ လှည့်စားသော သို့မဟုတ် အသရေဖျက်သော အကြောင်းအရာ သို့မဟုတ် အကြမ်းဖက်မှု၊ ဥပဒေများ ချိုးဖောက်မှု၊ မိမိကိုယ်ကို ထိခိုက်နာကျင်စေခြင်း၊ ပုံမှန်မဟုတ်သော စားသောက်မှုပုံစံများ သို့မဟုတ် မူးယစ်ဆေး တလွဲအသုံးပြုမှုတို့ကို ကြော်ငြာသော သို့မဟုတ် အားပေးထောက်ခံသော အကြောင်းအရာကို မဖန်တီးရ သို့မဟုတ် မပြသရပါ။
  • ဥပဒေများကို မချိုးဖောက်ရပါ သို့မဟုတ် Meta သို့မဟုတ် ကြားခံပြင်ပ အဖွဲ့အစည်းတစ်ခုခု၏ ရပိုင်ခွင့်များကို မထိပါးရပါ။
  • Workplace ၏ ပုံမှန် လည်ပတ်ဆောင်ရွက်မှု သို့မဟုတ် အခြားသူတစ်ဦးဦး၏ Workplace အသုံးပြုမှုကို ကြားဖြတ်မနှောင့်ယှက်ရပါ။
  • Meta က ခွင့်ပြုမထားသော နည်းလမ်းများ (အချက်အလက် ဆွဲယူစုဆောင်းခြင်း သို့မဟုတ် အလိုအလျောက်ဆော့ဖ်ဝဲများ သုံးခြင်း အပါအဝင်) ဖြင့် Workplace သို့မဟုတ် ဆက်စပ်သည့် အကြောင်းအရာများ သို့မဟုတ် အချက်အလက်များကို ဝင်ရောက်အသုံးမပြုရပါ။ ဝင်ရောက်သုံးစွဲခွင့် ထိန်းချုပ်မှုများကို ရှောင်တိမ်း၍ မဝင်ရောက်ရပါ သို့မဟုတ် အခြားတစ်နည်းနည်းဖြင့် Workplace သို့မဟုတ် ဆက်စပ်စနစ်များ၊ စကားဝှက်များ သို့မဟုတ် အကောင့်များကို ခွင့်ပြုချက်မရှိဘဲ ဝင်ရောက်သုံးစွဲခွင့် ရယူရန် မကြိုးပမ်းရပါ။
  • Meta က အတိအလင်း ခွင့်ပြုမထားသည့် ကြားခံပြင်ပအဖွဲ့အစည်း တစ်ခုခုသို့ စီမံသူအဖြစ် ဝင်ရောက်သုံးစွဲနိုင်ခွင့် တိုကင်ကို မမျှဝေရပါ သို့မဟုတ် အလားတူ အက်ပ်သုံးစွဲခွင့်များကို မပေးရပါ။ အတည်ပြုထားသော ကြားခံအဖွဲ့အစည်းတစ်ခုအား တိုကင် သို့မဟုတ် အက်ပ်ခွင့်ပြုချက်မှတစ်ဆင့် စီမံသူအဖြစ် ဝင်ရောက်သုံးစွဲခွင့်ကို ပေးအပ်ရန် သင်ဆုံးဖြတ်လိုက်လျှင် Meta က ခွင့်ပြုထားသော ရည်ရွယ်ချက်အတွက် လိုအပ်သည့် အတိုင်းအတာအထိ၊ သင်၏ ညွှန်ကြားချက်များနှင့်အညီ ယင်းကြားခံပြင်ပ အဖွဲ့အစည်းအား သင့်အချက်အလက် သို့မဟုတ် အကြောင်းအရာကို ဝင်ရောက်သုံးစွဲခွင့်ပြုနိုင်ပါသည်။ ယင်းကြားခံပြင်ပအဖွဲ့အစည်းသည် ဝင်ရောက်သုံးစွဲခွင့်ကို အလွဲသုံးစားပြုထားသည် သို့မဟုတ် အလွဲသုံးစားပြုလိမ့်မည်ဟု ကျွန်ုပ်တို့ ယူဆပါက ထိုကြားခံပြင်ပအဖွဲ့၏ ဝင်ရောက်သုံးစွဲခွင့်အား ကန့်သတ်ခြင်း (ဥပမာ- ဝင်ရောက်သုံးစွဲနိုင်ခွင့်တိုကင်ကို ပြန်လည်သတ်မှတ်ခြင်းဖြင့် သို့မဟုတ် အက်ပ်ခွင့်ပြုချက် ဖယ်ရှားခြင်းဖြင့်) ကို ကျွန်ုပ်တို့ လုပ်ဆောင်ပိုင်ခွင့်ရှိသည်။
  • ဗိုင်းရပ်စ်များ၊ မဲလ်ဝဲ သို့မဟုတ် အခြား ထိခိုက်ပျက်စီးစေနိုင်သောကုဒ်ကို အပ်လုဒ်မတင်ရပါ သို့မဟုတ် Workplace သို့မဟုတ် ဆက်စပ်စနစ်များကို ဖျက်ဆီးနိုင်သော၊ ပိတ်စေနိုင်သော၊ ဝန်ပိစေနိုင်သော သို့မဟုတ် ထိခိုက်စေနိုင်သော အရာမှန်သမျှ (ဝန်ဆောင်မှုငြင်းပယ်မှုကြောင့် တိုက်ခိုက်ခြင်း သို့မဟုတ် စာမျက်နှာပုံဖော်တင်ပြမှု သို့မဟုတ် Workplace ၏ အခြားသော လုပ်ဆောင်နိုင်စွမ်းများကို နှောင့်ယှက်ခြင်းကဲ့သို့) ကို မလုပ်ရပါ။
Workplace ကို အသက် ၁၃ နှစ်အောက် ကလေးများအတွက် ရည်ရွယ်ထားခြင်း မဟုတ်သောကြောင့် သင်သည် အသက် ၁၃ နှစ်အောက်ဖြစ်ပါက ဝန်ဆောင်မှုကို ဝင်ရောက်သုံးစွဲခွင့် သို့မဟုတ် အသုံးပြုခွင့် မရှိကြောင်း သတိပြုပါ။

ကျွန်ုပ်တို့၏ တာဝန်ဝတ္တရားများနှင့် သင်၏ သဘောထားမှတ်ချက်
ကလေးငယ်များ၏ လိင်ပိုင်းဆိုင်ရာပုံများ၊ အခြား တရားမဝင်သော သို့မဟုတ် စော်ကားသော အရာ သို့မဟုတ် Workplace၊ အသုံးပြုသူများ သို့မဟုတ် ကြားခံပြင်ပအဖွဲ့အစည်းများကို ထိခိုက်နစ်နာစေနိုင်သည်ဟု ကျွန်ုပ်တို့ကျိုးကြောင်းဆီလျော်စွာ ယူဆသည့် အချက်အလက်များကို ရှာဖွေရန်အတွက် Meta သည် အလိုအလျောက်နည်းပညာများကို ထိထိရောက်ရောက် အသုံးချနိုင်ပါသည်။
သင်၏ အချက်အလက် သို့မဟုတ် အကြောင်းအရာတစ်ခုခုက ဤကောင်းမွန်သင့်လျော်စွာ သုံးစွဲမှု မူဝါဒ၊ သင့်အဖွဲ့အစည်း၏ Workplace သုံးစွဲသူဆိုင်ရာ သဘောတူညီချက် သို့မဟုတ် သက်ဆိုင်ရာ ဥပဒေများ သို့မဟုတ် စည်းမျဉ်းများကို ချိုးဖောက်သည်ဟု ကျွန်ုပ်တို့ ယူဆပါက အဆိုပါ အချက်အလက် သို့မဟုတ် အကြောင်းအရာသို့ ဝင်ရောက်သုံးစွဲခွင့်အား ကျွန်ုပ်တို့က ဖယ်ရှားနိုင် သို့မဟုတ် ကန့်သတ်နိုင်ပြီး (ယင်းအတွက် ကျွန်ုပ်တို့တွင် တာဝန်ရှိမည်မဟုတ်ပါ)။ Meta သည် သင် သို့မဟုတ် သင့်အဖွဲ့အစည်းအား အဆိုပါလုပ်ရပ်နှင့်ဆိုင်သော ကျိုးကြောင်းသင့် သတိပေးချက်ကို ဥပဒေအရ တားမြစ်မထားပါက သင့်အား ပေးပို့အကြောင်းကြားပါမည်။
ကျွန်ုပ်တို့သည် Workplace နှင့် ပတ်သက်သော သဘောထားမှတ်ချက်အားလုံးကို ကြိုဆိုသော်လည်း၊ ကျွန်ုပ်တို့က သင်၏မှတ်ချက်များ သို့မဟုတ် အကြံပြုချက်များကို သင့်အတွက် တစ်စုံတစ်ရာ တာဝန်မယူဘဲ သို့မဟုတ် ပေးလျော်ခြင်းမရှိဘဲ အသုံးပြုနိုင်ကြောင်း သတိပြုပါ။

နောက်ဆုံး အပ်ဒိတ်လုပ်ခဲ့ချိန်- ၂၀၂၂ ခုနှစ်၊ ဇန်နဝါရီလ ၁၀ ရက်